李圓圓 (葵涌廣場) (已搬遷) 新店位置

掃街既結尾就梗係要飲野啦，經過見到新開左間李圓圓，我一直都想飲架啦，因為名氣好大，但結果有啲令人失望。我揀左No. 1既黑糖珍珠鮮奶2.0，男朋友就飲No. 5既冬瓜鮮檸檬。黑糖珍珠鮮奶2.0 $33 鮮奶用明治牛奶，本身無額外加糖，全靠黑糖珍珠既甜度而有甜味。可惜黑糖珍珠太甜啦，食少少已經覺得好似要蛀牙甘，而且口感偏腍，唔夠Q彈。冬瓜鮮檸檬$22 呢杯好飲好多，消暑一流。雖然飲品本身係好飲既，但係無乜冬瓜味，飲冬瓜鮮檸檬就係想飲到冬瓜味。