影片
更多
2023-02-28
2066 瀏覽
趁冬天即將結束，天氣早晚仍然感覺清涼，相約家人一齊去揾火鍋食，見到呢間酒樓有任飲任食火鍋仲要係冇限時，於是 book 定檯，去到唔需要等可以即時入座。任飲嘅飲品有支裝汽水、罐裝啤酒及飲品，還有濟州橙汁同自家製嘅桂花蜜及竹蔗茅根水。指定一次性送嘅有以下：1）胡椒豬肚雞湯-個湯底有好多豬肚同雞，還有炸支竹同白果。2）海鮮盆（每次供應六至八款時令海鮮）-今次共有七款包括扇貝、珊瑚蚌、蝦、龍躉頭腩、蜆、蟹同鱔片。每樣海鮮都算新鮮，較好味嘅喺蟹同鱔片。3）每位一隻巨型水餃皇-都算幾大隻，入面餡料有木耳絲、蝦肉同豬肉，味道都唔錯。4）特級安格斯肥牛-冇宣傳單張上嘅級數，但快淥幾下後食落都算唔錯。5）時令蔬菜一份-蔬菜有生菜、冰菜、車厘茄、南瓜、鮮冬菇、韮菜花、金菇同白菜仔。另外加送每人一隻鮑魚鵝掌，炆得都夠淋及入味，算幾好味。另外任叫任食嘅其他食物都算唔錯，個人覺得炸魚皮、蝦滑同鯪魚球最好食，最後要讚佢嘅烏冬都好好食。
趁冬天即將結束，天氣早晚仍然感覺清涼，相約家人一齊去揾火鍋食，見到呢間酒樓有任飲任食火鍋仲要係冇限時，於是 book 定檯，去到唔需要等可以即時入座。
任飲嘅飲品有支裝汽水、罐裝啤酒及飲品，還有濟州橙汁同自家製嘅桂花蜜及竹蔗茅根水。
指定一次性送嘅有以下：
1）胡椒豬肚雞湯-個湯底有好多豬肚同雞，還有炸支竹同白果。
2）海鮮盆（每次供應六至八款時令海鮮）-今次共有七款包括扇貝、珊瑚蚌、蝦、龍躉頭腩、蜆、蟹同鱔片。每樣海鮮都算新鮮，較好味嘅喺蟹同鱔片。
3）每位一隻巨型水餃皇-都算幾大隻，入面餡料有木耳絲、蝦肉同豬肉，味道都唔錯。
4）特級安格斯肥牛-冇宣傳單張上嘅級數，但快淥幾下後食落都算唔錯。
5）時令蔬菜一份-蔬菜有生菜、冰菜、車厘茄、南瓜、鮮冬菇、韮菜花、金菇同白菜仔。
另外加送每人一隻鮑魚鵝掌，炆得都夠淋及入味，算幾好味。
另外任叫任食嘅其他食物都算唔錯，個人覺得炸魚皮、蝦滑同鯪魚球最好食，最後要讚佢嘅烏冬都好好食。
張貼
