影片
更多
2021-08-31
2641 瀏覽
27.08.2021Catee約咗朋友暢談，很多食肆都限時1.5-2小時，所以上Open Rice終於揾到Catee，問咗無限時，而且話留卡位等我哋坐得舒服啲。去到餐廳，地方比預期中細，一入門只有兩張卡位，其他就是二人或四人座位；而且卡位偏細，男士高大少少一個坐差唔多，無法再坐多一個，幸好我和另一個男性朋友都較瘦，所以我哋一行三人還可以勉強坐下，建議卡位只坐兩人。晚餐廚師推介有豬手、炸三文魚漢堡、蜆湯配魚柳、威靈頓三文魚、牛肋肉天使麵同烤雞；只要加$30就可以有沙律、餐湯包、飲品及甜品，所以都算豐富抵食。沙律：份量少少地，但OK呀餐湯：西蘭花忌廉湯，有西蘭花味，稀稀地，雖然我鍾意濃味少少，但還可以。威靈頓三文魚：面層酥皮唔脆，只是一層麵包皮包住；三文魚不覺有魚味，朋友試食一口說覺得腥味，我不覺，但有些失望，不會推介。香焗德國豬手伴蜜糖芥末：份量不少，特意一把古刀插著豬手，讓你先拍照，賣相吸晴；餐廳之後會把肉分切後才享用。試過一口，肉質可以，朋友說偏鹹，但我覺得鹹豬手本身就是偏鹹，口味因人而異。甜品：兩粒朱古力、加少少生果、兩朶好像是忌廉花，插上幾朵小花，有點不倫不類，我覺得談不上美味或
Catee
約咗朋友暢談，很多食肆都限時1.5-2小時，所以上Open Rice終於揾到Catee，問咗無限時，而且話留卡位等我哋坐得舒服啲。
去到餐廳，地方比預期中細，一入門只有兩張卡位，其他就是二人或四人座位；而且卡位偏細，男士高大少少一個坐差唔多，無法再坐多一個，幸好我和另一個男性朋友都較瘦，所以我哋一行三人還可以勉強坐下，建議卡位只坐兩人。
晚餐廚師推介有豬手、炸三文魚漢堡、蜆湯配魚柳、威靈頓三文魚、牛肋肉天使麵同烤雞；只要加$30就可以有沙律、餐湯包、飲品及甜品，所以都算豐富抵食。
沙律：份量少少地，但OK呀
餐湯：西蘭花忌廉湯，有西蘭花味，稀稀地，雖然我鍾意濃味少少，但還可以。
餐湯、沙律
62 瀏覽
0 讚好
0 留言
威靈頓三文魚：面層酥皮唔脆，只是一層麵包皮包住；三文魚不覺有魚味，朋友試食一口說覺得腥味，我不覺，但有些失望，不會推介。
威靈頓三文魚
71 瀏覽
0 讚好
0 留言
香焗德國豬手伴蜜糖芥末：份量不少，特意一把古刀插著豬手，讓你先拍照，賣相吸晴；餐廳之後會把肉分切後才享用。
試過一口，肉質可以，朋友說偏鹹，但我覺得鹹豬手本身就是偏鹹，口味因人而異。
香焗德國豬手伴蜜糖芥末
64 瀏覽
0 讚好
0 留言
甜品：兩粒朱古力、加少少生果、兩朶好像是忌廉花，插上幾朵小花，有點不倫不類，我覺得談不上美味或漂亮，麻麻地。
甜品
57 瀏覽
0 讚好
0 留言
還有可能地方太細，所以只有一格男/女洗手間，不太理想。
這間餐廳Open Rice評價好高，但因為我們不飮酒，座位又無如期般理想，食物我倆點的兩款也只是普普通通，所以試過一次就夠了；最大優點就是無限時，朋友可以慢慢詳談，大家可以考慮下自己適合與否。
張貼
