尤海姆年輪蛋糕 (已結業)

夜晚出銅鑼灣按摩，想順道買點小吃比按摩師傅吃，於是落Sogo看看。好耐冇食過年輪蛋糕，自己想食，於是買左一個原味比按摩姐姐，一個焦糖自己食店員話焦糖味要即日食完，因為表面層焦糖是烘脆的。當時已經夜晚九點幾，我正在猶豫之際，店員又說第二日食只是口感冇咁好吧了。心想好啦，我可以即日食少少，第日食最多冇咁脆啫，於是照買了來試試！由細到大都好鐘意食雞蛋味既食物，年輪蛋糕即場製作，離遠已經聞倒香香既雞蛋味。這個焦糖表層好香脆，但就好甜，鐘意食勁甜加Caramel既人應該會鐘意，外脆內軟其實幾好食。蛋糕方面不過不失吧，始終覺得蛋味不夠濃。焦糖味蛋糕到左第二日，蛋糕已經比溶左既焦糖整到濕左少少，雖然係咁，我兩餐就已經KO左成個！