影片
更多
2016-01-05
1485 瀏覽
最新一間過江龍餅店就喺趁聖誕前開業嘅「Black as Chocolate」，晌台灣已有多間分店，以精品級朱古力蛋糕為主打，除季節性產品外，店內每日都喺主力賣兩、三款蛋糕，感覺不其然跟新加坡過江龍Awfully Chocolate初落戶香港時有所比較。店內裝修簡潔，一邊白櫃之上就陳列是日所供應嘅蛋糕及高雅嘅包裝盒，另一邊就喺落單、包裝嘅櫃位，無乜太多花巧裝飾，就只有黑與白嘅對襯格調 。另外，有幾張高腳枱櫈，不過，喺俾買蛋糕嘅顧問坐吓，因為暫時未有件裝蛋糕或其他產品出售。因為店內只有兩個店員，又多人光顧，每個蛋糕都喺有單先取出，入盒，綁上絲帶，故此包裝需時。雖然暫時只賣幾款主打嘅產品，趁等蛋糕嘅時間，睇睇仲有咩季節性產品，當中嘅玫瑰蜜桃荔枝朱古力蛋糕、芒果百香果朱古力蛋糕及百利酒櫻桃朱古力蛋糕都喺頗有趣嘅口味 。蛋糕附送6人份量紙碟同餐具，仲要搞鬼到將啲餐具起個名俾佢叫「天使湯匙」或「惡魔叉」，一向天使都唔可以同惡魔共存，所以，你只可以揀其中一套。當然，仲有一個選擇，既然拎返去屋企食，就好似我咁兩者都唔需要。 焦糖香蕉朱古力蛋糕 $398 漆黑黑嘅外形，蛋糕面上以焦糖漿晝成嘅
店內裝修簡潔，一邊白櫃之上就陳列是日所供應嘅蛋糕及高雅嘅包裝盒，另一邊就喺落單、包裝嘅櫃位，無乜太多花巧裝飾，就只有黑與白嘅對襯格調 。另外，有幾張高腳枱櫈，不過，喺俾買蛋糕嘅顧問坐吓，因為暫時未有件裝蛋糕或其他產品出售。
因為店內只有兩個店員，又多人光顧，每個蛋糕都喺有單先取出，入盒，綁上絲帶，故此包裝需時。雖然暫時只賣幾款主打嘅產品，趁等蛋糕嘅時間，睇睇仲有咩季節性產品，當中嘅玫瑰蜜桃荔枝朱古力蛋糕、芒果百香果朱古力蛋糕及百利酒櫻桃朱古力蛋糕都喺頗有趣嘅口味 。
蛋糕附送6人份量紙碟同餐具，仲要搞鬼到將啲餐具起個名俾佢叫「天使湯匙」或「惡魔叉」，一向天使都唔可以同惡魔共存，所以，你只可以揀其中一套。當然，仲有一個選擇，既然拎返去屋企食，就好似我咁兩者都唔需要。
焦糖香蕉朱古力蛋糕 $398 漆黑黑嘅外形，蛋糕面上以焦糖漿晝成嘅螺旋紋就喺佢嘅標記，可謂簡單位型格。切開一層又一層嘅朱古力蛋糕夾香蕉蓉，香蕉蓉仲清晰可見一絲絲香蕉肉，依對老拍檔相遇又喺帶嚟味覺嘅滿足 。
個蛋糕攞嚟喺同屋企人晌平安夜開大餐時食，當然唔可以就咁切開幾件就算，點都要搵啲新鮮黑莓同無花果嚟伴一伴碟咁先嘆嘅 。個蛋糕帶有濃郁嘅朱古力香味，對比起海綿蛋糕嚟講，佢嘅濕潤小弟就覺得有少少似班尼士，而且味道帶甘苦，入口又唔覺得滯膩，加上面層嘅朱古力漿，又點會唔香濃至得；由於焦糖佔嘅份額唔多，所以，食落都唔會太甜 ；蛋糕中嘅香蕉蓉，夠熟夠甜，夾上朱古力好平衡，所以，大家都讚佢好食。
焦糖香蕉朱古力蛋糕
54 瀏覽
2 讚好
0 留言
後記：多謝姨仔咁辛苦煮大餐，有鹵牛展、煎蝦碌、焗蜜糖雞翼、凱撒沙律、黑醋菠菜葉及海鮮寬條麵，食到大家飽一飽 。
幸而，小弟帶嚟個蛋糕都唔差，就算大家食到飽飽，都仲咁捧場清晒個蛋糕，咁就知個蛋糕嘅味道好掂啦，故此，都值得被個蛋糕「招積」一下！
張貼
