焱手工涮涮鍋 (已結業)

想食海鮮，又想打邊爐，朋友就話佢聽人講有間幾好食而又就腳，就話不如去試下，叫焱手工涮涮鍋。一睇個menu，不得了，樣樣都好正咁。為左唔洗諗咁耐，決定叫個set。前菜黎先，有我鍾意食嘅手撕雞，份量夠多又惹味，個沙律落左柚子醬，加埋芝麻醬好香甜好開胃。湯底除定左嘅清酒煮蜆，我地揀左人蔘藥膳鍋同美人鍋補一補。個藥膳鍋真係有條人蔘係入面，估佢唔到😂個蜆鍋仲要係即場煮，啲蜆隻隻都大大隻，就算煮完都係冇縮水兼且啖啖肉。海鮮盤一黎到簡直不得了，全部都我最愛，比想像中大隻，又夠新鮮，淥完都仲係咁大隻。碟響鈴同牛頸脊都好正，響鈴大大碌新鮮炸起，一黎到已經聞到好香，啲牛好軟牛味濃郁。碟手工拼盤都唔錯，啲蝦膠墨魚膠都好彈牙，冬菇好juicy，餃子對比下就普通啲。跟set有野飲我揀左紫貝天葵，又唔錯喎，飲得出冇點樣落糖落冰，係健康嘅味道。甜品係雪糕，估唔到咁好食！平時我都麻麻地雲呢拿味雪糕，因為覺得陣味好假，但呢度嘅係勁香，仲會見到啲雲呢拿籽係上面，呢我對呢間野大大加分！