喜相逢 (砵蘭街)

營業中

休息中

今日放工去咗太子附近食飯，諗咗好耐唔知食乜嘢好，於是我哋就去咗呢一間餐廳入邊食餃子，呢間餐廳都幾得意，有得食餃子，又有得叫酒飲，一邊食餃子嘅小食同埋涼拌，另一邊就可以飲酒傾下計都幾好。我哋叫咗一啲煎餃同埋湯搞黎食，煎餃方面我哋叫咗韭菜豬肉餃拼雲耳椰菜豬肉餃。兩隻餃都煎得幾香個，皮都唔算好厚。韭菜味都幾濃。湯搞方面，我哋叫咗白菜豬肉餃同埋芹菜豬肉餃，佢係將湯餃擺喺一個大湯碗入邊連埋啲湯一齊上碟，啲湯都可以飲埋，鹹鹹地都可以。另外，我哋仲叫咗小食。我哋叫咗口水雞（例牌）。口水雞辣辣地鹹鹹地，啲肉都結實，口水雞上面有花生、芫荽、辣椒，配埋啲口水雞醬汁，可以一試。