麥當勞

營業中

休息中

最近又有一連16日優惠，今日係$10「朱古力蛋糕oreo麥旋風」，見到好似新產品，就放工買來食下。當晚7點幾，係食晚餐時間，難免係多人排隊等餐。買完飛之後，等顯示屏的號碼拎餐，開頭都見到「制作中」，但之後就冇蹤影，一定係漏order。於是我就問下個員工，佢即時做比我，但非常求其。明明係麥旋風，但佢只在雪糕面上灑oreo碎，就咁比我。之後，我便問佢係咪有朱古力醬和蛋糕，佢先加朱古力醬，但就話冇晒蛋糕了。蛋糕冇晒都算，成杯野都冇攪過，根本就唔係麥旋風，完全變左新地。仲要客人提醒漏單，成件事好馬虎。