煮道 (已結業)

好耐無打邊爐啦，朋友表示想試下新野，咁係OPENRICE 搵到間一人一鍋嘅餐廳。係上環MTR EXIT A出口行10分鐘就到，放工想同朋友HEA下可以試下呢間餐廳，餐廳無限時，可以同FD傾耐D。門口有個機械人迎賓，好有日本feel送餐會有另一個機械人，不過佢講普通話，好搞野🤣💪🏻我地叫左韓式部隊鍋同日式壽喜燒，簡完個鍋之後要簡返個湯底，為配合返個鍋，咁我地就分別簡返韓式部隊湯同日式壽喜燒湯底。其他鍋底仲有蕃茄、粟米、麻辣、南瓜同清湯等。韓式部隊鍋勁多菜係個底部，岩晒鐘意食菜嘅朋友。上菜後等一陣就湯滾，WAITER 講D牛就算煮好耐都唔會硬，可以放心食左其他配菜先。湯底唔係好辣，鐘意食辣既朋友可以再自行調配岩自己嘅醬。鮮冬菇好入味，吸收湯底個精華，牛肉煮好耐都好嫩。拉麵最後先食，吸晒啲精華，有少少泡菜味，又有啲肉味😆日式壽喜燒岩相對係清淡，材料同部隊鍋差唔多，有菇、牛肉、獅子狗、鳴門卷、丸……等等，材料較為日式。個湯甜甜地。最鐘意個烏冬，彈牙得黎又入味。食完好滿足!另外叫左個青檸梳打及煮道洛神花茶，青檸梳打同出面一樣，而洛神花茶就好好飲，甜度岩岩好，超推薦!