風味園

營業中

休息中

昨晚天氣咁寒冷，當然去食左個暖笠笠既煲仔飯啦，風咪園既煲仔飯係即叫即整既，所以落左單都好都要等待大約15分鐘先有飯到。講返d煲仔飯先，叫左幾款煲仔飯，首先有鳳爪排骨煲仔飯，餸既份量還好，有兩隻鳳爪加數舊排骨，好夠味。另外仲有田雞煲仔飯，好多田雞腳既肉，又滑又好味，仲有個四寶煲仔飯，呢個乜野餸都有d，臘肉，臘鴨，臘腸乜都有好豐富。煲仔飯最重要係飯焦，呢度既煲仔飯焦岩岩好，又唔會燶到好苦，但又有果陣飯焦既香味。