Cakebearbear (已結業)

🐻相信好多女士心目中都有一隻最愛嘅bear🐻，我就比較貪心所以想有好多隻，更加想俾好多隻bear圍住我食飯。🐻明太子忌廉大蜆意大利粉 $138意大利粉被明太子忌廉醬完全包圍變成好靚嘅粉紅色，每條都充滿口感柔滑creamy嘅忌廉汁，仲帶有明太子獨特嘅辣味同微鹹刺激味蕾，大蜆亦都真係名乎其實大大隻，食落彈牙有口感，味道鮮甜，非常好味嘅一道意粉👍🏻。🐻芝士慕絲熊仔蛋糕 $58做型係超級得意可愛QQ到我望到心心眼嘅睡眠熊仔，靚到差啲唔捨得食，但味道真係太好味又忍唔住一路食，芝士味道濃郁香甜之餘完全唔會膩。🐻柯華田雪花冰 $102超大碗嘅雪花冰上面仲有隻熊仔冰，賣相就十分得意，味道亦都好出色，雪花冰本身浸入晒柯華田味，加上柯華田脆脆同麻糬粒粒，香甜之餘口感層次豐富，食到底層仲有芝士同朱古力，真係越食越有驚喜嘅甜品，下次一定要試埋其他口味🤤。🐻千語星晨 $45主要由蝶豆花、橙汁同菠蘿汁調製而成，賣相係紫色同橙色為主，飲落味道香甜充滿果香味，上面隻熊仔都可以當冰食架😂。🐻熊仔冷泡茶 $28茶底係烏龍茶，味道清新帶有淡淡香甜味道，個樽係熊仔做型仲可以俾你拎走做紀念，作為熊痴嘅我真係愛不惜手😍。