真心泰國菜館 (已結業)

今日天氣有d熱，突然之間勁想食泰國菜於是，我男朋友就介紹去通菜街食其實我第一眼望落個招牌寫住真心泰國餐廳，我心諗係咪真心好食先😞😞😞結果入到間舖頭好有泰國風味的擺設一睇個餐牌價錢幾平唔錯，有set dinner 包埋飲品同甜品都係56-70蚊左右，其他小菜個d都係百零蚊。咁我同男朋友就叫左個馬拉盞通菜炒豬頸肉飯喇沙雞絲米必叫的冬陰功湯炸蝦球而個馬拉盞通菜炒豬頸肉，味道差少少，欠缺馬拉盞醬料，好似食緊清炒通菜，好彩個豬頸肉救返一命，超勁脆的豬頸肉加左袐製的醬料烤後，嘩真係好鬼正。。。撈飯超好食喇沙雞絲，而個簡直一流，個汁夠味岩岩好，甜度適中，雞絲夠嫩，勁香椰汁味，加埋一啖米線、一匙汁、一件雞絲，一啖過，超正，勁正，超勁正無辦法用言語表達，強烈推薦而個喇沙雞絲米。。。。。。。下次再食一定會翻叫。冬陰功就普普通通，都係大蝦，辣椒，草菇丫，飲完之後爽YY，不過個湯偏辣左少少，唔食得辣記得要叫佢小辣，個湯好飲過九龍城某d泰國餐廳，起碼個較濃，多料。個蝦球就108蚊，個人就覺得有d貴，但係佢一送到泥，嘩粒粒都好大兼唔油膩先係重點丫下次一定一定會再食多次，試其他唔同菜式。