快樂蜂 (力生廣場)

營業中

休息中

菲律賓人的家鄉雞，平時見到以間鋪會有好多菲律賓人，今日冇咩人，梗係要去食下，平時都係食開其他餐廳既雞，以間主打炸雞，所以我地叫左6件雞，兩包薯條6件雞（3件雞胸+3件雞槌）$90岩岩炸起，熱辣辣，一路食一路出煙，本身唔食皮既我，今次連皮都食埋，個皮好脆唔淋，見到雞胸就會諗到應該會好鞋，點知一d 都唔鞋，仲要好滑好多汁，一路食一路d 汁都流緊出黎，另外仲可以點埋個蘑菇汁，未試過食炸雞食到想返轉頭再食。兩包薯條（原味+芝士味）$24薯條幼幼的，岩岩新鮮炸起，原味薯條灑左蒜粉，所以食落會有蒜味，好特別，而芝士味薯條，每條都有好多芝士粉。