彩福皇宴 (京瑞廣場1期)

營業中

休息中

今日朋友約咗團年， 晚飯好難訂位 ，於是就決定來個團年點心餐。🎊🎊午餐一樣人多， 全場滿座 ，非常熱鬧， 三年冇見嘅朋友， 大家都興奮無比， 一見面就滔滔不絕咁講中招經歷 。😛😛當然 少不了叫到一枱都係點心 ，大家都肚餓， 所以乜都叫，蝦餃兩籠， 燒賣， 山竹牛肉， 腸粉 ，馬拉糕， 海鮮薄撐， 蒸排骨 ， 蘿蔔糕同芋頭糕， 呢度點心實惠， 炒粉麵夠大碟 ，於是又炒咗福建炒飯， 同埋肉絲炒麵 。呢度啲點心都唔錯， 蝦餃大大隻爽口鮮甜 ，蒸排骨有芋頭墊底， 肥瘦均勻， 海鮮薄撐煎得外脆內軟， 山竹牛肉大大嚿， 點喼汁好好味 ，馬拉糕就差啲 ，因為好似發得唔夠 ，死實實的 。幸好大家心情靚， 一枱嘅食物 ，全部掃曬， 仲要坐到兩點幾 ，先至依依不捨散去。 希望疫情過咗 ，有多啲聚餐嘅機會 ，食嘢事少 ，相聚事大 ，珍惜 每一次相聚嘅機會。👍🤗