麻辣派對 (已結業)

今日黎到熱鬧既銅鑼灣。等lift上餐廳既時間好多姐姐係到塞啲傳單俾我地。不過已經一早揀好左餐廳。所以。。。。。一上到去就有人入去不過餐廳都已經full左8成加啦。燈光暗暗禁同佢個餐廳名好match 😝😝因為得2個人既關係雖然好多野想試。不過都唔夠嗌禁多。見到隔離檯啲野食都好大碟下。。最尾係揀左一個酸菜江團魚。再加幾個配菜。炒土豆行人同埋口水雞既。3款都係叫左小辣。好快就黎啦啲野食。盤魚真係好大盤。啲配菜都好多。如果唔係食得太辣叫小辣都夠。因為會愈食愈辣加。。佢個魚都好滑身。其實叫完都唔知咩魚黎加。不過上網睇過評語話無咩骨哩隻魚所以就叫左。土豆絲有啲油。不過味道口味既。口水雞就無咩特別。。下次要多啲人黎試多啲野。見隔離檯叫左盤辣子雞都好似好好味😋😋😋最尾要提一提有個男侍應服務好好。值得一讚👍🏻👍🏻👍🏻