熊本燒肉

營業中

休息中

聖誕節特登book嘅燒肉火鍋放題☺️叫左最貴嘅plan，個plan包一枝紅酒或者香檳，因為自己喺出面例牌一杯醉，所以就帶返屋企先飲。呢個plan可以叫任何嘢食，海鮮刺身味道都好鮮甜。咁回歸正傳講返最貴plan嘅燒肉，坦白講，唔知係咪自己問題啦，我燒嘅肉全部都好韌，咬好耐先吞得耐..但已經係日本和牛🥲可能我燒得太耐？唔知啦，總之一開頭黎嘅第一轉肉我已經幾乎飽左..D燒肉普遍都係好厚，如果薄D就好，厚嘅燒完都係偏韌。至於壽喜燒嘅肉（鍋物），算係嫩滑嘅，唔韌。蝦都好大隻新鮮，生蠔就不過不失。其他日式放題基本有嘅呢到都有，都係任食。對個柚子烏冬好高評價，最後食返呢個消滯。食到最後半個鐘，每台會有一客刨冰，D冰好棉，好好味。整體感覺就燒肉麻麻、刺身同壽喜燒都OK好食！