燒肉801

營業中

休息中

餐廳：燒肉801地點：尖沙咀加連威老道菜式：日式燒肉餐牌：有燒肉盛合，黑毛和牛盛，名物菜式，牛豬雞海鮮，蔬菜，湯同麵飯，甜品，飲品等。仲可以加錢要米飯，冷麵或者生菜。落單掃QR code。志盛（2人前）$498 另加一志盛包4款牛肉，1款雞同1款豬，分別係鹽味牛舌，黑毛和牛小排，黑毛和牛上肩肉，極上厚切牛胸腹柳，蔥鹽味雞腿肉，同黑毛豚無骨小排。份量大部分都係四片，極上厚切牛胸腹柳就係一大片，鹽味牛舌就有六片。黑毛和牛小排油花好靚，一咬就開，食落多汁又有牛味。黑毛和牛上肩肉夠嫩口又多汁，脂肪都唔少。極上厚切牛胸腹柳夠厚身，啖啖肉，口感唔錯。鹽味牛舌好有咬口，建議點枱上燒肉汁同食，唔會太鹹。蔥鹽味雞腿肉好嫩滑多汁，配另上既蔥鹽同食，更添風味，唔會過鹹。燒到脆皮更好食。黑毛豚無骨小排肥瘦相間，脆口多汁。特上牛胸腹肉（汁燒）$98 另加一特上牛胸腹肉一客四片，大大片好厚切，估唔到好嫩口而且多汁啖啖肉，正，口感係少少彈牙！味道方面主要係惹味燒肉汁，必定夠味。服務員一開始就送上燒汁。枱上面都有辣檸檬汁同檸檬汁。呢度有免費wifi用。個爐好夠力，所以d肉燒得香口好味又快。裝修光鮮新淨，座位舒適。