燒蝦蝦 (金福閣） (已結業)

元朗呢間燒蝦蝦係屯門都有分店，聽朋友講呢間好抵食但一直無機會試，今日終於同老公黎到，果然無令人失望！流水蝦絕對係主角，亦都絕對出色，真係童叟無欺！成個水池有數唔盡既流水蝦，每隻都生猛係咁游，等住我地夾🤫夾佐上黎未燒到可以放落水桶養住先，啲蝦好大隻，好鮮好甜，香濃好食！呢度其他海鮮、肉類都係任燒，海鮮我食佐勁多，因為真係爆新鮮爆正！海鮮連花螺都有得燒，仲有蠔，扇貝，白沙蜆呢啲，啲螺好甜好正囉！我勁中意食😍蠔同扇貝我地落佐辣椒蒜蓉去燒，惹味到爆！仲有其他串燒，熟食，甜品都係任食，正呀🤭