阿爺燒鵝餐室 (已結業)

成日經過阿爺都見到佢d燒鵝好誘人！今日就決定左黎斬料試試佢！!叫咗半隻燒鵝，同埋一份抗疫餐！抗疫餐揀咗要燒肉加$10升級鵝油撈麵！另外仲可以揀一個前菜同埋另一份肉，我揀咗要手拍青瓜同埋蜜汁排骨！抗疫餐都只係買$58真係超級超級超級超級抵！份量仲一啲都唔小，雖然我加咗鵝油撈麵變咗$68 ，但真係超值！撈麵超油，勁有鵝味！真係加得冇錯！另外燒肉份量都有好多，一啲都唔會將貨就價～手拍青瓜同埋蜜汁一字骨份量都唔少，燒肉夠晒脆，點上芥辣真係一絕！另外青瓜配上芫荽，真係好夾，仲有啲辣辣地咁好開胃！蜜汁一字骨，夠晒多肉仲可以論骨，真係唔錯！黎到重頭戲燒鵝，啲皮真係好脆連埋啲肉食真係好好食～全家人都話正！