楓雅廊咖啡閣 (已結業)

呢度攪緊燕窩自助晚餐, 朋友又係集團成員, 有折, 女士們有興趣護膚養顏, 咪約出聚一聚囉! 但我個人從來都唔好自助餐, 加上之前行完山超, 真係有少少想放飛機意欲.因為我之前仲行去海運度辦點公事, 對腳已經酸痛到不得了, 所以一坐低就唔想再起身. 朋友見狀, 立即問我有咩想食, 話幫我咁話喎. 佢大大隻美國生蠔過我, 仲有蟹腳, 份量唔少, 單看size你會覺得值回票價. 生蠔真係好肥美滑嘟, 可惜沙石多, 要吐! 蟹腳好有肉, 都可以.除以上兩款, 亦吃唔少煙肉, 什肉, 味道麻麻. 熱盤更加唔掂, 特別係個所謂燕窩蟹粉小籠包, 可能熱得太耐, 皮腍晒, 而且我亦吃不出丁點蟹粉或燕窩, 好難食呀呢個!甜品咪係咁食燕窩蛋撻呀, 雪糕咁囉! 其中燕窩蜜糖雪糕做得唔錯, 幾清甜啦! 反而每人送一客燕窩甜品就唔多得! 一碟有三小碗, 分別盛住燕窩薑撞奶, 燕窩焦糖布甸同有燕窩又類似楊枝甘露物體. 由於呢個唔係咁好食, 集團朋友就走去問同事呢個係咩, 我聽唔到個名堂, 但據知呢個係俾你食呢三碗時候作漱口之用喎! 哈, 又幾得意喎, 好似去食法菜咁.總括講, 食物選擇唔算多同正, 抵唔抵就見仁