影片
更多
2020-11-04
23 瀏覽
相比其他地區，中環一向比較少台式飲品店，呢日收工後去開中環，無諗過係地鐵站🚇附近既環球大廈時居然會有間茶湯會，口痕既我就忍唔住走左入去🙈.約6-7年前去台灣遊玩時因台灣朋友推介試過茶湯會既觀音拿鐵已經覺得呢個品牌既品質係茶飲界黎講算係唔錯👍🏻，直到早幾年前佢地過江龍黎左香港，偶爾係街上經過見到都必定會幫襯😋.環球大廈既呢間分店地方比其他分店更為寬敞，店內除咗有張佢地經典既長木凳外，亦有張吧檯可以比客人坐低品嘗佢地既茶飲🥤同小食🥪 呢度有個全日套餐供應，指定4款飲品連埋燒賣、粉果或熱壓吐司等小食介乎35至45蚊，性價比不俗👍🏻******************************✨熱燕麥觀音拿鐵 + 珍珠🌾🥤 ($30+$4)落單時本來想點杯觀音拿鐵加珍珠，店員就建議可以試下佢地既燕麥🌾新系列，一共有豆漿、奶茶同拿鐵5款選擇；由於個人實在太喜歡佢地既鐵觀音，最後要左杯3分甜外加珍珠既熱燕麥觀音拿鐵😛呢度既觀音拿鐵味道係一如既往既出色，茶味夠突出而香醇，至今我都未飲到有其他台式飲品店既鐵觀音係超越過佢地既🧐.原以為燕麥系列係指飲品用燕麥奶去沖製，吸左一啖先知原來係飲品入面加入左原片燕
相比其他地區，中環一向比較少台式飲品店，呢日收工後去開中環，無諗過係地鐵站🚇附近既環球大廈時居然會有間茶湯會，口痕既我就忍唔住走左入去🙈
.
約6-7年前去台灣遊玩時因台灣朋友推介試過茶湯會既觀音拿鐵已經覺得呢個品牌既品質係茶飲界黎講算係唔錯👍🏻，直到早幾年前佢地過江龍黎左香港，偶爾係街上經過見到都必定會幫襯😋
.
環球大廈既呢間分店地方比其他分店更為寬敞，店內除咗有張佢地經典既長木凳外，亦有張吧檯可以比客人坐低品嘗佢地既茶飲🥤同小食🥪
呢度有個全日套餐供應，指定4款飲品連埋燒賣、粉果或熱壓吐司等小食介乎35至45蚊，性價比不俗👍🏻
******************************
✨熱燕麥觀音拿鐵 + 珍珠🌾🥤 ($30+$4)
落單時本來想點杯觀音拿鐵加珍珠，店員就建議可以試下佢地既燕麥🌾新系列，一共有豆漿、奶茶同拿鐵5款選擇；由於個人實在太喜歡佢地既鐵觀音，最後要左杯3分甜外加珍珠既熱燕麥觀音拿鐵😛
呢度既觀音拿鐵味道係一如既往既出色，茶味夠突出而香醇，至今我都未飲到有其他台式飲品店既鐵觀音係超越過佢地既🧐
.
原以為燕麥系列係指飲品用燕麥奶去沖製，吸左一啖先知原來係飲品入面加入左原片燕麥🙈 燕麥片本來就係頗有口感既食物，加埋煙韌既珍珠，兩者令飲品既口感更上一層樓，實在令人意想不到😳
-
✨香辣吞拿魚吐司🐟🥪 ($31)
晚上7點又見到呢度有吐司🥪供應就決定食返份做晚餐，吐司有爆醬奶茶、爆漿珍奶、香辣吞拿魚同吞拿魚沙律4款口味，考慮到要作為晚餐就揀左相對輕盈同高蛋白質既香辣吞拿魚🐟
呢度既吐司係即叫即製👨🏻🍳，拎埋位時望落以為無乜特別，切完先知裡面係爆餡，有吞拿魚🐟、芝士🧀同幾層蛋皮🥚，十分足料🤩
吐司壓至金黃色食落外脆內軟，帶有少少香辣🌶作調味，辣度只係bb辣唔算好勁，新鮮熱辣下食佢感覺頗為惹味，個人認為不論早、午、晚餐都係不錯之選，值得再有下一次😋******************************
👧🏻人均消費：$65
😋味道指數：4/5
💰抵食指數：3.5/5
🪑環境指數：4/5
💁🏻♀️服務指數：4/5
👍🏻再訪指數：4/5
-
📍茶湯會 (環球大廈)
地址：中環德輔道中19號環球大廈地下C1號舖
⏰營業時間：08:00–22:00 (Mon–Fri)；
10:00–22:00 (Sat–Sun)
(📍尖沙咀、旺角、鰂魚涌、銅鑼灣、將軍澳亦有分店，營業時間有所不同)
張貼
