黑布小巷

營業中

休息中

之前係Hotel Alexandra staycation 時, 光顧過砲台山既黑布小巷。 食過返尋味, 今晚黎設有堂食的荔枝角店, 店鋪裝修簡約, 但顧客絡繹不絕, 證明小店係有口碑。其實今晚我有啲頭痛，要多謝一男一女年輕店員既幫忙同包容，真心感謝。黑松露焦糖洋蔥日本飛驒牛芝士蛋吐司黑松露味濃, 洋葱甜, 牛肉夠嫩，咁厚都無渣無筋, 好有牛味, 不愧為日本飛驒牛。蛋白滑嫩，橙黃既蛋黃醬汁，令吐司入口有爆汁嘅感覺。黑松露焦糖洋蔥大啡菇蛋吐司接受蛋奶素既朋友可選擇呢款吐司，由於大啡菇已經好juicy, 所以爆汁程度有200% !番茄紅燒台式牛肉麵牛肉好軟腍，配菜有超淋紅蘿蔔白蘿蔔, 蕃茄蓉甚多, 麵條彈牙，一流！跟餐加咗小食蝦餅，三大塊沾沾甜酸醬。芋頭椰汁三色圓煙韌嘅三色圓有紫色同黃色，芋頭椰汁香濃無比。甜品唔太凍，超正！不愧為必點甜品！台式茶飲有自家煲製冬瓜茶 ，少甜幾好飲；桂花雪梨羅漢果茶，有助清肺潤喉止咳化痰， 實在係養生茶。