醬缸韓國料理 (已搬遷) 新店位置

Item: 醬缸韓國料理
Rating: 3
Author: 奧志雷

Jang Dok Korean Restaurant

3.5

216 食評

味道

環境

服務

衛生

抵食

14558

佐敦

$101-200

韓國菜

131

奧志雷

等級4

2.1K

打左幾日電話始終都無人接聽，唯有直接 walk-in 啦 ﹗兩位美女居然比我還早到，已經留位了，仲溝掂左韓國老闆留左幾雙醬油蟹添，原本要預訂架。

韓式 4 小碟，蒜蓉菠菜清甜爽口又多汁，微蒜微咸好味道。泡菜微辣帶甜，酸味較為突出，爽脆多水，淨食味濃稍濃，配白飯或配烤肉生菜包一定超好味 ﹗真係少見，居然係鮮冬菇，食其原味都不錯，滑滑彈彈的。土豆絲？同樣少見，薯味濃，半粉半爽都幾好味。

醬油虎蝦，侍應姐姐真識做，先原隻出場讓我們過過目、拍拍照，之後先再剝殼及前段呢。好大隻呀 ﹗放上檯已傳來一陣強烈的鮮醬油香，好想食呀 ﹗

跟醬油蟹同樣邪惡，一隻可以送成碗白飯呀，好食過泰式生蝦百倍，配埋生蒜片、青辣椒，正到震！蝦肉勁新鮮，爽爽彈彈滑滑黏黏，鮮味霸道，撈上白飯撈油實在太美味，再啜埋蝦膏真係快活過神仙 ﹗

醬油蟹，毒癮一樣，再戰醬油蟹 ﹗人生中第三次食，一個月裡面食足三次，三次都唔同地方，醬缸第三戰場開動！萬眾期待既醬油蟹出場，等到頸都長，夠晒大隻喎。

每家醬油蟹都各具特色，但最香、最好味、最大隻、料最多、最爆膏既只有這裡。混入蒜頭、洋蔥、青尖椒、紅尖椒、等等，味道特別多樣化又生息不少，不再單調乏味 ﹗

兇湧的蟹膏如洪水猛獸般撲向我呢 ﹗完全敗給其霸氣之下，美味到全身軟化，極品鮮醬油滲透甘香無比既蟹膏添上黏黏滑滑鮮蟹肉混埋紫菜白飯，依條方程式所產生既化學反應如核爆一般的強大、壯觀而美麗 ﹗

根本無能力停下來，味道複雜又細膩，為何會有那麼好味的食物，只想不停食不停發掘其美味之處 ﹗食法隨您配搭，先黎個淨蟹膏撈飯，繼而蟹肉加蟹膏，再黎蟹肉加蒜頭洋蔥尖椒，味道多變又清新，實在太好食啊 ﹗

韓國米酒，醬油蟹將晚餐既氣氛推致癲峰，實在太過刺激，老身有點受不了，呷幾口米酒定定驚先 ﹗清涼微酸帶甜，淡淡清醇米酒香，不嗆不烈，讓味蕾歇一歇最適合。

好采係 4 人檯，如果迷你 2 人檯都唔知餸菜放去邊，放係頭頂定地下呢？我最討厭迫迫夾夾既感覺，那麼又要上火的了 ﹗開心既時間好快過，轉眼已食到中場啊。

蔘雞湯，韓國傳統夏天飲熱湯、冬天食冷麵的。小意思，香港傳統四季打邊爐、四季 BBQ 啦。石鍋滾住送上，熱力迫人滾熱辣 ﹗正宗湯底配上白蔘、大蔥、紅棘，而糯米就釀入鮮雞之內。

侍應嬸嬸讓我們幫隻雞拍下遺照後就開始分屍，唔該晒啊。淺嚐幾口，雖然不是最好味，但都中規中矩。飲得到淡淡白蔘跟鮮雞味，味道未算濃郁，糯米棉棉略帶黏黏韌韌，雞肉已炆到變成煲湯雞，無味之餘而肉質腍散，沾上豉油食都不錯，整體都合格，可以一試。黎返碗淨湯熱騰騰一吹而盡，爽呀 ﹗

泡菜芝士年糕，我對韓國年糕全無興趣，不過係兩位美女指定菜色，無所謂。真係可以滿足您地三個願望喎 ﹗睇得、食得又玩得 ﹗

將芝士拉得長長，再塞得嘴仔滿滿，勁搞笑，卡娃兒架呢 ﹗年糕結實又硬淨不喜歡，好似無煮一樣。硬芝士跟 pizza 用的一樣，咸香夾上泡菜甜甜辣辣味道還不錯，但質感紿終比不上半溶軟芝士呢。