川燒 (已結業)

已經係第3次黎川燒, 呢度依然係Vi食過比較高質既串燒店, 今次黎到見到出左新野飲, 即刻點番杯試下~要左青檸話梅梳打, 酸味味既梳打幾岩配串燒先點左一份紐西蘭大磨菇, 磨菇真係好大個, 而且好多汁, 一咬落去d汁就走哂出黎, 不過Vi對磨菇無咩特別興趣, 覺得差咁d醬汁既味道~燒牛脷芯係Vi既最愛, 有3大塊, 每塊都好爽口彈牙, 而且好香黑椒味, 好味~再點左串燒白鱔, 有好多燒汁, 白鱔好厚肉, 而且個皮燒到脆脆地, 推介!之後仲點左d海鮮, 呢個珍寶帆立貝真係好大隻, 個殼都有手拳咁大, 入口幾爽口鮮甜, 食得出幾新鮮~今晚既主角就係呢隻黃金芝士燒龍蝦! 上枱時比佢既size嚇親, 好巨型! 係波士頓龍蝦, 成隻有前臂咁長, 好誇張! 龍蝦身上面鋪左燒香過既芝士, d龍蝦肉係彈牙既, 唔係雪藏果d既林身, 啖啖肉連埋個芝士汁好好食, 而個鉗就食得比較狼狽, 同埋鉗入面既肉就比較淡, 無芝士汁, 但就食到龍蝦原本既鮮味, 值得一提個龍蝦頭有勁多膏, D膏多到流出黎, 正!最後甜品要左一串燒芝麻湯圓, 湯圓燒到脹卜卜, 外面煙un, 裡面係芝麻餡, 係好味道既, 唯一美中不足係個芝