肯德基家鄉雞 (KFC) (已結業)

由於今晚又係英超比賽日，所以我們今晚喺油麻地彌敦道嘅「肯德基家鄉鷄」買外賣自取返屋企食！我們買咗個「愛心慈善桶餐」！狂惹香燒鷄嘅鷄肉都幾嫩滑同有少少微辣，都幾惹味！巴辣香鷄翼炸得表面香脆熱辣，香辣嘅味道相當惹味，令到食慾大增！白汁鷄皇飯嘅白飯軟韌度適中，白汁加鷄肉同雜菜撈埋一齊嚟食，都幾好食，不過鷄肉就「嚡」咗少少！瑪嘉烈葡撻嘅酥皮好鬆脆，蛋漿亦幾嫩滑！墨西哥脆脆好似食緊厚身啲薯片咁，口感都幾特別！