影片
更多
2018-08-02
466 瀏覽
約了好友來銅鑼灣睇傢俬，由於友人連午飯也還沒吃，所以決定先去附近找個地方吃頓 early dinner，才繼續行程。沿著駱克道往銅鑼灣方向走，喺鵝頸橋附近發現這間「千里屋食堂」，走近細看，原來是一間主打和牛嘅餐廳。翻查網上資料得知，餐廳其實係由大阪一間專賣日本黑毛和牛及澳洲和牛嘅食材店「千里屋肉工房」開嘅，據說該食材店喺日本有近十間分店，其出品於部分日式超市，如 Aeon 及一田超市都可以買到，睇嚟質素應該有保證，反正路過，一於入內試試。餐廳原來已經開咗大約半年，店內地方不大，只有約二十餘個座位。用餐區以淺木色為主調，裝潢簡約親切，有點似日式快餐店，氣氛輕鬆，令人坐得舒服自在。打開店員送上的餐牌，食物以牛為主，不過花款都唔少，有牛肉丼飯、和牛套餐、壽喜燒、鐵板牛扒、日式牛肉火鍋、牛肉烏冬、牛肉蕎麥麵，另外亦有一系列小食同飲品等，選擇亦頗豐富，一於各自點選自己嘅心頭好，然後再齊齊分享。先講下呢客和牛鐵板3種牛扒 ($298)，牛扒以托盤盛上，三款肉分別為牛五花、肩肉同里脊肉，上桌時附有白飯同味噌湯，並配上山葵、燒肉汁同海鹽。先嘗一口味噌湯，味道鹹鮮有致，入口甘甜，令人胃口大開。三款肉當
約了好友來銅鑼灣睇傢俬，由於友人連午飯也還沒吃，所以決定先去附近找個地方吃頓 early dinner，才繼續行程。沿著駱克道往銅鑼灣方向走，喺鵝頸橋附近發現這間「千里屋食堂」，走近細看，原來是一間主打和牛嘅餐廳。
翻查網上資料得知，餐廳其實係由大阪一間專賣日本黑毛和牛及澳洲和牛嘅食材店「千里屋肉工房」開嘅，據說該食材店喺日本有近十間分店，其出品於部分日式超市，如 Aeon 及一田超市都可以買到，睇嚟質素應該有保證，反正路過，一於入內試試。
餐廳原來已經開咗大約半年，店內地方不大，只有約二十餘個座位。用餐區以淺木色為主調，裝潢簡約親切，有點似日式快餐店，氣氛輕鬆，令人坐得舒服自在。
打開店員送上的餐牌，食物以牛為主，不過花款都唔少，有牛肉丼飯、和牛套餐、壽喜燒、鐵板牛扒、日式牛肉火鍋、牛肉烏冬、牛肉蕎麥麵，另外亦有一系列小食同飲品等，選擇亦頗豐富，一於各自點選自己嘅心頭好，然後再齊齊分享。
先講下呢客和牛鐵板3種牛扒 ($298)，牛扒以托盤盛上，三款肉分別為牛五花、肩肉同里脊肉，上桌時附有白飯同味噌湯，並配上山葵、燒肉汁同海鹽。先嘗一口味噌湯，味道鹹鮮有致，入口甘甜，令人胃口大開。
三款肉當中，以牛五花嘅油花最勁，肉質非常鬆化，既軟腍又柔嫩，入口即溶，而且鮮甜的肉汁在口中瀰漫，讓人齒頰留香。牛肩肉亦很有水準，不但肉質具彈性，而且油花細緻均勻。另外里脊肉就帶微微韌勁，肉味愈嚼愈濃，食完亦完全無膩感。
至於另一客就揀咗熟成牛肉丼 ($159)，牛肉丼配套唔多，上桌時只附有一小碗味噌湯，但個丼賣相勁有睇頭，飯面鋪滿安格斯牛翼板肉，望落去好似一座和牛塔咁，造型澎湃，用來影相呃 like 一流。白飯以高級日本大米煮成，食落有牛香。安格斯牛翼板肉份量勁多，足足有成 300克，嫩度適中又帶嚼勁，尤其喜愛面頭的醬汁，味道甜甜酸酸，加上牛肉本身的香氣，非常滋味！
飲品可以揀 Soft Drink 或者 Alcoholic Drink，如果是 Happy Hour 到訪的話，仲會有特價優惠。另外值得一提就係店舖嘅營業時間，竟然係去到至凌晨三點，就算飲完酒，又或者睇完午夜場再嚟宵夜，應該都無問題。雖然我和友人兩個都並不是牛魔，但這頓飯亦吃得非常滿意，如果閣下是愛牛一族，絕對值得一試。
張貼
