十二味巴蜀江湖菜 (已結業)

愛食麻辣嘅你！QT一定要推介你到依間專食水煮辛辣菜式嘅餐廳～ 當然佢地都有唔辣嘅菜式選擇嘅～ 但愛辣嘅你一定會愛上依度！平！好食！服務態度都良好！每度菜嘅辛辣味道都十足而且係地道嘅味道！其實QT都係聞風面來，聽朋友講依度有鴨嘴魚食，我就因為甘好想試下～ 😭不過原來每日得十條，有錢都食唔到～ 仲冇得預訂嫁～ 有冇得食真係睇彩數！所以QT order 其他菜式！先黎個必食口水雞，賣相很美，食落都好美～味！冰涼但麻辣肉質都超軟滑！我要讚一下雞皮唔你過肥過厚依一點！第二好食係酥皮牛～ 真係好想問師父係如何做到甘鬆化又酥脆！味道少少酸酸超開胃。其次酸辣翅湯同夫妻肺片同樣出色！雖然QT食到出晒汗～ 但又抵不住服食辣，十分滿足嘅一餐，希望下次再去會食到鴨嘴魚啦～～