潮福蒸氣石鍋 (已結業)

感恩每個月總有節日，可以有機會有藉口一家人食餐飯，今個月又到父親節，原本相約家人去西貢食海鮮，一來近年多數轉戰流浮山同三聖，另一個原因係細細個爸爸差唔多個個星期日都帶我地去西貢食海鮮，叫做想下當年！可惜幾兄妹呢兩個星期超級公事繁忙，結果無人訂枱，到今日做節又間間爆場，醒目嘅媽咪找來呢間仲有大枱，有得食就咩都無所謂啦！叫左個節目餐加龍躉兩味，節日餐包括乳豬拼盤，义燒油雞乾柴；冬瓜盅正常好味；椒鹽焗鮮魷，略咸；薯仔和牛粒，都係咸；果醋生炒骨，真係得骨無肉，我食左兩粒都係骨；干扁四季豆，正常；蓮蓉壽包，本應容易好味嘅包都竟然唔好食！ 埋單真係超平，人均$150。只能夠講句，質素反映左價錢。總括黎講，呢間野堅伏 要係父親節中伏，做女嘅真的于心有愧，唯有快快手手搞多次飯局補飛啦！