民華魚蛋粉麵

營業中

休息中

超級正呀，係有一次唔知太太唔舒服定還是太疲累，於是在家中留守，我就推咗嬰兒車和兒子出去大埔墟行個圈，去到玩具舖發現佢冇乜精神沒精打采，然之後一問他才說是肚子餓，於是我就問佢 食點心🧆定還是食麵包🥖結果他說吃點心，而且經過這裏還說坐喺度食，於是就產生左史無前例嘅父子飲茶。😂其實民華以前我一向都有食，而且喺太子食嘅時候，通常都係食常餐然之後加個飲了，這天才記起，其實你都可以叫兩個點心，然之後加熱奶茶凍檸茶之類，自製點心常餐。佢嘅山竹牛肉一樣係大大粒，不過味道就普通，只覺得是吃了一大團牛肉混合豬肉的粉團，其他香菜或是荵嘅味道就真係欠奉，都係用喼汁主要調味。另外鵪鶉蛋燒賣，其實都係有一大豚肉喺下邊度然之後上邊有鵪鶉蛋，似乎兒子主要都係食鵪鶉蛋，下邊嘅肉都係食咗少少。雞扎嘅份量似乎都唔少，那塊雞件相當大件，呈丁方形嘅火腿亦都夠大條夠粗壯。不過係舊芋頭食唔到，如果唔係其實都幾正的。