Nara Thai Cuisine (新城市廣場一期)

營業中

休息中

前一日成家人決定聽日去咗沙田市廣場行街，夜晚順便食埋飯，知2老對食有要求，又要坐得舒服，又要食物好食，所以特別上網做功課，揀咗呢間泰國餐廳，仲提前book位，不過只限book 6點，仲話只有90分鐘，幸好當天無坐滿，所以過咗90分鐘都無趕人走。呢度有2款小食拼盤，一個叫東北小食拼盤，另一個叫泰式小食拼盤。半隻海南雞配油飯，半隻都算大份，啲雞亦都幾滑，又唔會好肥，無咩脂肪，個油飯幾香，好似有啲椰汁香味，幾好食。食泰國嘢一定有咖哩，我哋叫咗份紅咖哩牛肋肉，牛肋肉好腍，個咖哩好香，仲有啲椰香味。香茅金蒜脆鱸魚，見只有幾條，待應推介就叫嚟試下，成條魚脆炸，炸到骨都食得，幾好食，不過食多幾舊有啲油膩。