Patisserie Tony Wong (已結業)

公司阿頭做咗爸爸，請我哋食靚餅，呢間餅店嘅餅好靚！一啲都唔失禮！好驚喜！ 包裝盒好實淨，啡色加亮綠色！每件餅都好精緻！底部用膠紙黏實！唔會走位！因為有多嘅關係，我試到2件！ Chocolate Truffle:半圓形，外層朱古力皮好亮麗，加一點金箔，味道好濃朱古力味，入面係朱古力慕絲，加一層榛子醬，加啲脆米增加口感！好濃好味！ Tiramisu:方形膠杯，好有份量，入面香濃芝士慕絲包裹鬆軟蛋糕！唔會好膩！不過面頭三粒朱古力就淋咗！好韌！食到精緻靚餅好開心！恭喜阿頭做爸爸！