醉和里

營業中

休息中

十月一日消費券一早攞咗，國慶跑馬日食咗白果，捉咗靚媽陪我去行，黃大仙中心，由北館行到南館，因為就腳去咗呢間食店食晚飯，是日合共點了三個小菜和一瓶啤洒，先評個涼瓜炒牛肉，真係好咸，連我呢個出名重口味嘅肥佬，都覺得咸，反之個北菇炆鴨掌D冬菇就夠淋吾夠味，要點落碟涼瓜牛肉索佢D汁先有味道，鴨掌就正常味道，三個小菜最正就係個，菜心炒什燴，味道恰好，什燴料豐富值得一讚，平心而論，此店係做到有大牌檔風味菜式，份量足，鑊氣夠每道小菜都係熱辣辣上枱，加上價錢街坊價，三兩知忌或一班朋友，在此店食飯，吹水，飲啤酒都係一個不錯選擇