影片
更多
2018-05-11
267 瀏覽
可以喺工作上遇到好朋友唔容易，遇到個一樣咁大食同咁鍾意食既好朋友就更加唔容易😛所以是日借相識三週年，一齊去試下新野！Lunch set包餐湯、餐飲(熱龍眼蜜/熱檸水，轉其他要加錢)、主菜，價錢由$88-$158不等。是日餐湯係南瓜湯，雖然係附送，但有濃濃既南瓜味，好甜好綿密，我地兩個都喜出望外！仲有熱蒜蓉麵包，好食好食。朋友嗌既 慢煮美國安格斯牛仔肋 · 那不勒斯意粉 ($148) 好快就上菜，不過各方面都差強人意。牛仔肋好鞋，唔係適合慢煮既肉質 (或者係廚師handle得唔好)，亦食唔出係慢煮☹️ 四條牛仔肋，朋友食左一半就放棄。意粉淋左啲，所謂「那不勒斯」，除少少番茄外，食唔出有咩特別。擺盤奇怪，幾條醜醜既火箭菜令人唔多開胃。唯一較好既係個汁，味道似平時食紅酒燴牛尾，意粉撈番依個汁好食好多。我既 慢煮刺身級挪威三文魚 · 英式碗豆燴飯 ($158) 就等多15分鐘先上菜，相差時間有啲長。不過漫長既等待係值得嫁 — 每樣都好食！三文魚先慢煮再煎，外面魚皮脆脆地，入面魚肉仲係淡粉紅色好吸引😍 碗豆燴飯似creamy risotto，擠番少少檸檬汁可以稍稍減膩。整體份量仲比想像中大，男士都
Lunch set包餐湯、餐飲(熱龍眼蜜/熱檸水，轉其他要加錢)、主菜，價錢由$88-$158不等。
是日餐湯係南瓜湯，雖然係附送，但有濃濃既南瓜味，好甜好綿密，我地兩個都喜出望外！仲有熱蒜蓉麵包，好食好食。
朋友嗌既 慢煮美國安格斯牛仔肋 · 那不勒斯意粉 ($148) 好快就上菜，不過各方面都差強人意。牛仔肋好鞋，唔係適合慢煮既肉質 (或者係廚師handle得唔好)，亦食唔出係慢煮☹️ 四條牛仔肋，朋友食左一半就放棄。意粉淋左啲，所謂「那不勒斯」，除少少番茄外，食唔出有咩特別。擺盤奇怪，幾條醜醜既火箭菜令人唔多開胃。唯一較好既係個汁，味道似平時食紅酒燴牛尾，意粉撈番依個汁好食好多。
慢煮美國安格斯牛仔肋 · 那不勒斯意粉
$148
29 瀏覽
0 讚好
0 留言
我既 慢煮刺身級挪威三文魚 · 英式碗豆燴飯 ($158) 就等多15分鐘先上菜，相差時間有啲長。不過漫長既等待係值得嫁 — 每樣都好食！三文魚先慢煮再煎，外面魚皮脆脆地，入面魚肉仲係淡粉紅色好吸引😍 碗豆燴飯似creamy risotto，擠番少少檸檬汁可以稍稍減膩。整體份量仲比想像中大，男士都應該夠飽，好食到我一路嗌飽一路食晒成碟飯😛 同上，敗筆又係上面兩條睇落好可憐既露荀，個人覺得大支少少會靚好多⋯
慢煮刺身級挪威三文魚 · 英式碗豆燴飯
$158
33 瀏覽
0 讚好
0 留言
餐廳全日不設加一，是有原因的。服務麻麻上菜亂：餐飲上錯；兩個主菜上菜時間差太遠；我地就黎食完又比多次蒜蓉包，同女侍應講已經食左(which係好明顯)，佢黎手就將佢隊比隔離連單都未落嗰檯😓 隔離檯食客都呆左😑
如果食岩野，其實性價比唔錯，希望餐廳留意番服務同某啲食物既質素。為左三文魚 · 碗豆燴飯會再訪🤤
張貼
