薑媽

營業中

休息中

今日去牛頭角做嘢係附近揾好嘢食， 上網睇到昵間薑媽 好似唔錯，決定去試下。 呢度嘅裝修以木系為主優雅舒適， 中午嘅午餐 一個主食，一個小食， 仲有嘢飲百多元好抵食，中午時間全場爆滿，店員有禮 ，好快就幫我哋安排位置。安格斯牛三角肉：肉質鮮嫩， 脂肪分佈均勻牛肉味濃， 配菜豐富 加上醬汁，惹味非常。洋食漢堡扒 吉列蝦忌廉蟹肉薯餅：厚厚嘅漢堡扒煎得香口， 能鎖住肉汁， 肉質軟嫩多汁有口感。味噌芝士焗蠔：蠔肉鮮甜多汁， 加上特製 沙律芝士醬汁 香甜美味。柚子味噌大根：大根煮得夠淋， 新鮮清甜 配搭柚子醬汁令到味道更突出。薑媽環境舒適 ， 不但食物質素高擺盤精緻，睇得出㕑師嘅用心製作，值得一讚。