川霸王 (已結業)

又係lunch time搵食時間,愛琴坊真係我嘅飯堂😆因為餐廳選擇都比較多,如果嗰日想食辣嘢嘅話就一定會黎呢間川霸王😊🌿霸王粉麵呢款可以自選湯底,配料&麵底,當然仲可以自選辣度啦!今次我就揀咗蓮藕,雞肉&雲吞,配上紅薯粉加上中辣嘅酸辣湯!唔好睇佢個湯底好似好淺色,但係其實食落去都幾辣!佢個紅薯粉有d似水晶粉,色澤帶點透明,食落去好煙韌呢!配料款式都幾多,仲可以揀三款真係大滿足👍🏻🌿霸王酸菜魚酸菜魚係我最常揀嘅款式,會跟一個白飯!湯底帶有有少少麻辣,對比起上邊嗰款粉麵,酸菜魚會無咁辣!配上酸菜令到味道層次更豐富!魚塊數量都算多,而且唔會一夾就散,送飯真係一流🤩仲有其他款式選擇,下次試埋其他先😊