二鍋頭 (好運中心)

營業中

休息中

今晚又黎食任食雞煲，呢期仲有火焰牛尾煲都好正。火焰煲同以往一樣淋上玫瑰露再點火，真係好鬼香；個雞煲正正路路，最緊要任食，食完仲有火鍋確係抵嘅。食個中價「嚴選安格斯牛」餐，$268，好多款肉同海鮮，飲品、雪糕任食嘅款或無咩點變，今晚叫左個清熱湯底，芫茜皮蛋，清清地，個餐包嘅安格斯牛板腱、安格斯封門柳，食落都ok，都有啲肉味；花枝片、活海蝦、活海蜆、鮮鯇魚腩、脆鯇魚片、墨魚滑勝在款式多幾新鮮。自助區嘅丸類、蟹柳、腸、菜、菇都有好多款，食得飽價錢唔貴，可以過哂雞煲、火鍋癮，希望呢間店堅持到質素。