花園餐廳 (已結業)

今日lunch突然好想食肉，經過花園餐廳門口，見到餐牌lunch有西冷牛扒，之後就入去食，都好耐無食過花園！羅宋湯味道一般，不過有舊大薯仔補數就ok啦~以為有跟餐包，點知特餐係唔跟包，有啲失望。到主菜西冷牛扒，蒜蓉汁唔夠蒜味，西冷牛扒份量都剛剛好一人份量，有牛味，但好韌，有幾舊直情到牙骹軟都吞唔到……我記得以前唔會咁……意粉無乜特別~凍檸檬唔太澀，都ok，不過我應該唔會再嚟食，同以前比質素下降咗好多，lunch哩個價錢，可以有其他選擇。