影片
更多
2022-08-26
723 瀏覽
今日好興奮 , 因為要食我期待已久 , 人生的第 1 次懷石料理 😲😲😲 !! 一早 book 左位 ~ 準時黎到中環的 Ushidoki !! 一共 11 道菜的和牛懷石料理正式開始 ! 🤗餐牌 : 第一道菜係和牛冷盤 , 用咗酸啫喱 , 烏魚子碎 , 生藥泥同蕃茄 , 口感清新 , 和牛肉質軟滑 , 山藥黏黏嘅質地 , 配埋一粒粒的烏魚子碎 , 口感好豐富 🤤🤤 味道充滿層次 ! 為整頓懷石料理開一個靚頭 ! 😋牛舌湯湯底用咗鹿兒島走地雞去煲 , 味道夠清 , 1 d 油膩感都冇 , 牛舌煮到好似牛腩咁腍 , 湯入面仲有水葵 , 口感好得意 , 飲到最尾 , 碗底原來有柚子皮 , 以柚子香味作結 😌😌和牛壽司 用左牛臀蓋嘅部分 , 肉味較濃郁 , 飯已調味 , 咩都唔使諗即刻成粒放入口 , 唔識形容 , 總之係口入面慢慢咀嚼 😏😏 係一種享受 ! 和牛他他和牛他他顏色較一般淡 , 因為入面撈左洋蔥同埋酸瓜 , 面頭係海膽同埋魚子醬 , 唔使講都知好食 😋😋 店員建議一半就咁食 , 另一半可以撈勻 , 再放上海苔天婦羅食 , 享受另一種口感 !!Sukiyaki 用左由開業以黎大概
餐牌 :
第一道菜係和牛冷盤 , 用咗酸啫喱 , 烏魚子碎 , 生藥泥同蕃茄 , 口感清新 , 和牛肉質軟滑 , 山藥黏黏嘅質地 , 配埋一粒粒的烏魚子碎 , 口感好豐富 🤤🤤 味道充滿層次 ! 為整頓懷石料理開一個靚頭 ! 😋牛舌湯
湯底用咗鹿兒島走地雞去煲 , 味道夠清 , 1 d 油膩感都冇 , 牛舌煮到好似牛腩咁腍 , 湯入面仲有水葵 , 口感好得意 , 飲到最尾 , 碗底原來有柚子皮 , 以柚子香味作結 😌😌
和牛壽司 用左牛臀蓋嘅部分 , 肉味較濃郁 , 飯已調味 , 咩都唔使諗即刻成粒放入口 , 唔識形容 , 總之係口入面慢慢咀嚼 😏😏 係一種享受 !
和牛他他和牛他他顏色較一般淡 , 因為入面撈左洋蔥同埋酸瓜 , 面頭係海膽同埋魚子醬 , 唔使講都知好食 😋😋 店員建議一半就咁食 , 另一半可以撈勻 , 再放上海苔天婦羅食 , 享受另一種口感 !!
Sukiyaki 用左由開業以黎大概 1 個半月每日都使用嘅醬汁去整 👍🏻👍🏻 味道濃得黎又唔會太鹹 , 加埋油脂豐富同時分佈極平均的和牛片 , 比滑滑嘅蛋汁包住 , 入口係濃濃牛肉味 , 香而不膩 , 冇得輸 , 仲有特製的皇帝菜醬汁 , 好特別 !! 呢一道菜係我最愛 😙😙 剩下的醬汁 , 可以將飯加落去 , 或者用玩味的方法 , 將醬汁從碗柄倒出 😆
食到咁上下 , 師傅遞上青梅蜜煮 , 清新一下口腔 , 準備迎接嚟緊嘅精緻菜色 !! 🤗
和牛壽司今次係肉眼部位 , 輕輕火灸 , 油脂感更豐富 , 配左紅酒汁同蘋果蓉中和一下 ~ 同頭先個件和牛壽司係唔同嘅口感 , 但同樣都係好好味 !!
吉列西冷三文治
面頭個 2 條係西芹 , 無論分開食定係夾埋一齊食都能夠品嚐到和牛西冷外脆內軟嘅口感 , 雖然係吉列 , 但 1 d 都唔油膩 !
菲力肉眼
菲力肉眼配紅酒汁 , 底下有茄子 , 菲力肉眼同櫻花木煙薰係重點 !! 櫻花木煙好香好香 👍🏻👍🏻 食完呢道菜式後 , 腦入面仍然回味緊櫻花木香味 😌😌
炭燒和牛配季節野菜和牛質素唔洗多講 , 炭燒味提昇整道菜式的體驗 , 配菜款式多樣 , 有特別的竹炭麵筋同自家醃楊梅 😁 配撘柚子胡椒汁 , 夠曬清新
冷素麵熟成牛用咗一個充滿港式風味嘅薑蔥汁 , 薑味好突出 , 好特別 , 冷素麵彈牙 , 素麵汁酸酸地 , 入面仲有鮭魚子 !
最後 , 店員遞上配甜品嘅綠茶 , 茶杯非常可愛 !! 甜品係 whisky 雪糕 , 呢個雪糕係無酒精成分 , 只取 whisky 嘅味道 , 超好味 !! 😳😳😋😋 真係連滴左落碟個 d 都想舐黎食呀 😜😜 左邊係自家製嘅雞蛋布甸 , 除左精緻美味 , 食完記住欣賞下個器皿 🥚🥚 蛋殼嘅班點做得非常仔細 , 真係好靚好像真呀 !!
懷石料理無論係食材 , 擺盤 , 賣相 , 餐具 , 服務都係一絲不苟 😌 成餐飯除咗掛住品嚐美食 , 欣賞師傅的手藝 , 亦花咗好多時間去欣賞佢哋嘅餐具 , 真係好靚 !! 靚到食完想拎返屋企 !! 😍😍整頓晚餐大概食咗 2 小時 , 食完飽飽滿足 !! 離開時 , 師傅同埋店員會喺門口歡送 , 令我有置身日本嘅感覺 , 今日呢餐晚餐真係大滿足 , 一定會再黎 !! 😍😍
張貼
