奔之食堂 (已結業)

尖沙咀開咗分店，一於去試下個牛麵。🐂犇之三寶(牛筋、牛腩、牛肚）唸唔到揀邊樣，就不如叫個‘犇之三寶’，試哂佢。又係先嚟飲啖湯，有少少辣味，唔錯。牛筋大大舊，軟硬度適中，感覺係食咗好多骨膠原。牛腩唔韌，幾入味。而牛肚都爽。麵底係台灣嘅扁身麵。整體唔錯，特別係個見唔到有辣椒但有辣味嘅湯底。🙂宜蘭鹽酥雞滷肉飯朋友叫嘅，食咗佢兩小件鹽酥雞，即叫即炸，小心熱呀。味道唔錯，唔會好鹹而且炸得啱啱好。🥤蜂蜜柚子茶套餐包一熱飲，加錢可以轉凍飲或台式飲品。我呢個.....有啲失望，係冇柚子味而只覺係有少少蜂蜜嘅綠茶。都係食品較出式吧。