花見月 (已結業)

約個朋友食飯, 佢響中文大學返工, 方便D就黎左科學園食飯, 呢度多選擇, 而且人唔會太多.日本野大家都啱食, 除左正常既壽司, 刺身, 串燒之外, 冬天仲有幾款特式鍋物.壽喜燒較少食, 所以選擇左呢樣.個湯底係洋蔥加甜豉油, 加左洋蔥感覺清新, 溝埋甜豉油甜甜地, 可以中和洋蔥既辣味, 之後仲加埋生蛋, 一路滾越黎越杰身.美國肥牛唔會太薄, 脂肪比例平均, 入口夠軟腍彈牙, 牛肉味濃香.個鍋仲連埋一盤菇類, 豆腐等野菜, 食到咁上下加埋落湯, 索下有肉汁既甜湯, 更加好味.個餐仲包埋稻庭烏冬或者珍珠白飯, 食埋夠晒飽, 亦唔會太濟.