影片
更多
2018-06-04
16112 瀏覽
聽聞Shake Shack既漢堡好好味，好多人話食過之後就返唔到轉頭；而家難得唔駛出國都食到，不過就要用D時間去排隊，星期五就約朋友去試，睇下值唔值得!!🤔黎到岩岩好六點，仲以為好早，點知已經有蛇餅…🤐等左大概半個鐘終於落到柯打。真係唔明點解要等咁耐，餐牌一早比左客人望、現金同拍卡都可以付款，呢一切都貎似無問題，但其實問題就出現係個全英文既餐牌度😐，唔係個個都睇得明或者又會去查字典咁嘛，佢地就等去到counter先問，結果….🙄Shack Stack ($86)我係一個愛菇既芝士控🤓，加上好多人都讚呢款漢堡，所以一早諗定要試佢有大啡菇既漢堡唔係第一次食，但今次呢個炸芝士大啡菇漢堡就真係頭一次試🤤餡料除左菇之外，仲有一塊好似麥記signature咁厚既牛肉漢堡扒、新鮮既生菜同蕃茄片；呢個漢堡我係非常推介!! 首先大啡菇新鮮炸出，外層仍然脆口，全個包食落又多左個口感，而且大啡菇juicy勁好汁，令個包一d都唔乾；第二菇內既芝士芝味香濃且流絲力強，滿足到我對芝士既慾望；第三牛肉漢堡扒份量好慷慨，夠大夠厚又唔乾，不過牛味就比菇同芝士味搶左；第四蕃茄同生菜乾身，唔會濕淋淋，唔會邊食邊滴汁食到好”
黎到岩岩好六點，仲以為好早，點知已經有蛇餅…🤐等左大概半個鐘終於落到柯打。真係唔明點解要等咁耐，餐牌一早比左客人望、現金同拍卡都可以付款，呢一切都貎似無問題，但其實問題就出現係個全英文既餐牌度😐，唔係個個都睇得明或者又會去查字典咁嘛，佢地就等去到counter先問，結果….🙄
Shack Stack ($86)
Shack Stack
$86
363 瀏覽
0 讚好
0 留言
我係一個愛菇既芝士控🤓，加上好多人都讚呢款漢堡，所以一早諗定要試佢
有大啡菇既漢堡唔係第一次食，但今次呢個炸芝士大啡菇漢堡就真係頭一次試🤤
Shack Stack
$86
314 瀏覽
2 讚好
0 留言
餡料除左菇之外，仲有一塊好似麥記signature咁厚既牛肉漢堡扒、新鮮既生菜同蕃茄片；
呢個漢堡我係非常推介!! 首先大啡菇新鮮炸出，外層仍然脆口，全個包食落又多左個口感，而且大啡菇juicy勁好汁，令個包一d都唔乾；
Shack Stack
$86
276 瀏覽
1 讚好
0 留言
第二菇內既芝士芝味香濃且流絲力強，滿足到我對芝士既慾望；第三牛肉漢堡扒份量好慷慨，夠大夠厚又唔乾，不過牛味就比菇同芝士味搶左；第四蕃茄同生菜乾身，唔會濕淋淋，唔會邊食邊滴汁食到好”呢hea”
Chick’n Shack ($56)
Chick’n Shack
$56
179 瀏覽
1 讚好
0 留言
雞胸大件又厚肉，表層貎似上左一層好厚既炸衣，但其實都算薄；雖然望落好似炸過龍變左深啡色，但唔會好硬；配埋少少酸既青瓜，整體唔差，不過就似厚肉版既麥記脆辣雞腿包😂
Chick’n Shack
$56
139 瀏覽
0 讚好
0 留言
同埋雞胸肉始終都逃唔過鞋口既命運
Shack Burger ($50)
Shack Burger
$50
146 瀏覽
0 讚好
0 留言
雖然呢款既用料只係D經典配搭，外表又平平無奇，但味道並唔簡單!!😏 好味既漢堡必備一塊有質素既漢堡扒，雖然同Shack Stack用同一款既牛肉扒，但正正因為只配上淡味既生菜同蕃茄，令牛肉既香味更特出~~我第一次食到咁濃牛味既漢堡🤤，而且不缺肉汁，唔油膩，肉粒又唔會鬆鬆散散
Cheese Fries (36)
Cheese Fries
$36
95 瀏覽
0 讚好
0 留言
之前睇過D食客食評，唔推介呢度既薯條，因為淋哂唔脆，但難得黎到、食西餐，點可以唔試埋佢呢
個人比較中意食紐紋薯條，因為surface area大左，炸既時候同油多左接觸面，所以食落會比直薯條更脆。呢度既薯條食落係熱，但因為加左d芝士醬，所以變到無咁脆，但又未去到完全淋哂既。
Cheese Fries
$36
72 瀏覽
0 讚好
0 留言
不過個芝士醬好驚喜😋，雖然唔係拉絲芝士，但芝味好濃，芝士迷實中意；另外一讚，職員原來早就已經加左d芝士醬係碗底，所以唔怕食到底會無醬
早就已經知道shake shack既名氣，一直都以為佢既評價係誇大左，但到自己試完之後，先知佢既漢堡用軟熟麵包、新鮮乾身生菜/蕃茄、牛味濃郁既漢堡扒、香濃芝味既芝士，真係令人好回味，我仲未食完已經諗梗下次幾時再黎😆
張貼
