周記油渣麵 (已結業)

個晚去開鴨記行吓行吓，記得有人講過高登附近有檔食豬潤麵話幾好食喎，咪走過去岌岌，黎到，嘩，平日八點半竟然有八成滿，唔係八成嘅枱滿，係八成嘅位滿呀。。即刻搵個位搭枱先。一坐低周圍望吓睇下啲水牌有乜推介，噫，有個豬潤牛肉麵，係嘞，就係佢等緊我喇，38蚊，再加罐可樂，九蚊，OK。。睇下得唔得先。牛肉夠腍唔算嗱到散晒，幾好食，豬潤夠多OK好食，湯底豬潤滾嘅實好鮮好味啦，枱面上仲有大碗葱飲落，呢樣加分。麵條係粗上海麵，個人覺得幼啲啲會好啲。整睇黎講係幾好食嘅，不過係深水埗度都要賣呢個價，覺得高咗啲，性價比一般，黎開呢頭可以一食但唔值特登黎。