神戶食堂 空姐牛肉飯 (已結業)

喺我既童年記憶入面，西九龍廣場係一個劣食天堂，細個過黎西九龍食明將印象太深刻啦。不過原來宜家好多正嘢喺西九龍廣場，好彩我有班比起我更為食既朋友仔，成日推介同帶我去食新嘢。佢好似喺facebook睇到有人介紹有間空姐牛肉飯好正，所以我哋就搵咗個星期六上去試一試佢。我哋叫咗個壽喜燒雞翼同牛肉雙拼飯share食，店舖得一個人搞掂，所以都等待既時間真係幾耐吓。就咁睇外表除咗幾隻雞翼之外，好似同吉野家無咩分別喎。食落第一啖就明點解咁多人推薦食。佢呢個牛肉飯有一陣住家味道，同吉野家既連鎖店一批過整好晒坐熱佢唔同。佢分量都好多，雙拼壽喜燒雞翼有四隻，好彩我哋兩個因為想食多啲其他款既Share一齊食，如果唔係一定好飽食唔到其他啦。總括黎講，雖然等待既時間好長，不過美食係值得等待既！