老虎岩餐室 (已結業)

行過油麻地 ，諗住去醫肚。呢區太多餐廳，令人花多眼亂。行行下，突然間 被發哥張相吸引住。原來發哥幫襯過《老虎岩》餐廳，甘我都照跟啦～ 我地2個人 叫左3份餐，實在太餓了。🌟老虎岩全日手工餐 $50🌟牛腩芝士三文治 手工燒賣 (3粒)樽裝奶茶睇相以為細細份，估唔到係甘足料。咬一口，外層三文治每邊都烘得好透，加上 配合埋牛油 ，脆卜卜 內層夾住熱騰騰既牛腩 配合 半溶芝士, 非常邪惡 但我鐘意 🤩牛味濃濃，以為牛腩好大件 好難咬 ，但呢個組合又出奇地match… 每樣都處理得合當，看得出用心煮，誠意十足。燒賣 彈牙，好足料，口質十足。雖然 賣相唔算大粒，但用料十足。不過 3粒又好似未夠喉，多幾粒會再開心d ….🌟鳳城水餃拼雲吞麵 $38🌟相比 牛麵，水餃拼雲吞 都屬正常發揮，配料對得住價錢，平平實實，無咩驚喜。🌟招牌牛四寶麵 (轉伊麵) $57🌟招牌 係招牌，包括有牛筋、金錢肚、牛膀、牛腩，岩曬貪吃既我。 我吃到 難能可貴既 舊香港味道，甘香入味。不得不提 ~ 我被個湯底吸引住... 飲得出啖啖牛配合香料調味，嗅起來已覺氣味甘香濃厚。