影片
更多
2019-05-21
1368 瀏覽
約一年前旺角分店重新供應放題套餐，由前菜、肉品、海鮮、小食、飲品一律任食，每晚人頭湧湧。期後奧海城、香港仔及屯門店均設放題。雖然肉品不至於頂級，但質素穩定，所以我都有興趣。難得另一半提議，即刻答應啦屯門市廣場店位於一期，面積十分大，部份為卡座，較舒適，不過當然啦，我地只有兩個人，就只能夠坐二人枱，都唔敢一次過點太多野。同其他分店一樣，枱面上有醬料、紙巾、澡紙巾、生熟鐵夾。平日晚上八成滿座，可能附近未有同類型選擇。燒肉放題套餐共5款，唔同套餐包括各款質素嘅肉品，定價$218/位起(冇牛肉)。以星期一至四為例，入門有牛肉嘅豪華放題套餐定價$278/位。包括牛舌、牛肋肉、肩脊肉、一口牛、前菜、沙律、豚肉、雞肉、內臟、野菜、魚柳、飯、湯等共52款食品，任食90分鐘。飲品有汽水、果汁，或追加$28享用啤酒放題。以平板點餐，上菜速度算快，不過收野非常慢唔知係咪人手不足啦，上菜嘅人又真係齋上菜。另外啲肉盤入面大部份都有「水」，唔知係咪啲肉溶雪造成，唔係好衛生。前菜點左泡菜、辣油豆腐、味噌青瓜、椰菜。沙律方面點左海蜇柚子醋沙律，幾清爽開胃。套餐包括每位一客美國和牛板腱肉、一口牛肋肉、肩脊肉、豚肉燒同雞
燒肉放題套餐共5款，唔同套餐包括各款質素嘅肉品，定價$218/位起(冇牛肉)。以星期一至四為例，入門有牛肉嘅豪華放題套餐定價$278/位。包括牛舌、牛肋肉、肩脊肉、一口牛、前菜、沙律、豚肉、雞肉、內臟、野菜、魚柳、飯、湯等共52款食品，任食90分鐘。飲品有汽水、果汁，或追加$28享用啤酒放題。
以平板點餐，上菜速度算快，不過收野非常慢唔知係咪人手不足啦，上菜嘅人又真係齋上菜。另外啲肉盤入面大部份都有「水」，唔知係咪啲肉溶雪造成，唔係好衛生。
前菜點左泡菜、辣油豆腐、味噌青瓜、椰菜。
沙律方面點左海蜇柚子醋沙律，幾清爽開胃。
套餐包括每位一客美國和牛板腱肉、一口牛肋肉、肩脊肉、豚肉燒同雞腿肉，和牛板腱肉入口軟嫩，帶適量油脂，好食過任食嗰啲
大部份肉品分塩醬、燒肉汁兩款口味，部份可選辛味醬汁，牛舌仲有黑胡椒醬呢，角切特別爽口。
網燒一口牛質素同平時單點嘅差異不大，入口軟腍
牛肋肉、肩脊肉相對普通，上枱時略有冰感，不過我叫得呢個餐，都預左，哈哈。
雞翼分塩醬同辛辣醬汁口味。
丹麥皇冠豚扒
石斑魚柳口感有彈性。
野菜方面除左粟米、洋蔥，仲有牛油本菇同金菇。個人更鐘意前者，連同錫紙兜一齊燒到牛油融化，幾入味
牛角飯相信亦係唔少人心目中嘅主角，米飯較以往略為鬆散，但配上鹽味紫菜、燒肉汁，確實美味。
食燒肉少不了生菜，可解油膩，可惜蒜片太腍，冇乜誠意
昆布湯可以不試。
最令人失望莫過於飲品，烏龍茶、白桃乳酸梳打淡而無味。
用餐時間剩下30分鐘，會有店員提醒；然後會俾埋雪糕你，不過好難食，哈哈。
食90分鐘其實都夠飽，偶然一次可以。
張貼
