為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

esthertong823

等級4

112

上星期拍拖就去左牛角食正嘢💕 我地叫左2個前菜 2杯特飲(碟豆花椰子梳打 & 百香果菠蘿茉莉花果茶)同埋2個甜品仲叫左🐂牛大盛 🐂極上黑毛和牛牛肋内 🐟燒花魚 🐖豬頸肉同埋🍄雞脾菇

🍅忌廉芝士蛋蕃茄
呢個前菜真心好驚喜忌廉汁好重芝士同蛋香味同配埋落蕃茄度成件事好juicy 仲好清新😍

🐙日式凉拌小墨魚
雖然呢個係前菜但味道好出色小墨魚好大條粒口感爽脆彈牙再配埋佢地獨家醬汁食完好開胃

🐂日本國產牛大盛
呢個牛大盛有4片日本國産牛肩胛肉 2片日本國産牛座布團同埋6片壺漬日本國產牛肩胛肉雖然係國產牛但質素係極高😍 肉質好鮮甜口感入口溶化而且濃濃既牛香真係食到停唔到口

🐂 (鹽醬) 日本九州極上黑毛和牛牛肋内 (6片) 和牛依加仲做緊8折優惠!!!
牛肋肉係和牛身上經典部位之一肉質鮮嫩多汁油花分佈平均食落唔會好油膩入口即融牛味極重口味軟嫩燒到有d焦香帶著肉汁再加埋佢個鹽醬簡直係味蕾藝術

🐟燒田花魚一夜干（配蘿蔔蓉柚子醋）
呢個燒花魚一夜干魚肉香味更濃縮係肉入面花魚係白身魚本身味道係比較清淡優雅用一夜干煮法增加左魚香味再加埋大海既咸香真係味覺享受呢個燒花魚份量幾大油脂香氣加埋濃厚的鮮味再配埋蘿蔔蓉柚子醋口感酸酸甜甜令口感層次提升

🐖 豬頸肉鹽醬
豬頸肉口感爽口軟滑不過油脂較重不過燒完之後油分融化燒耐d仲好香脆肉質軟焾加埋鹽醬調一調味之餘仲食到豬頸肉既鮮甜味

🍄 王樣!香草蒜燒雞脾菇
香草蒜蓉份量用得恰到好處香草既青新配埋蒜蓉既成個口感超惹味😍 口感仲好彈牙食完甘多肉再食返呢個雞髀菇可以清一清腸胃

🍚 牛角飯
牛角飯永遠都唔會令人失望直頭要encore😂 佢地獨家既紫菜同醬汁每次都要點食完會大滿足😚

🍓今川燒（士多啤梨麻糬）
呢個今川燒入面係士多啤梨麻糬😍 燒完入面個麻糬更加軟糯真正外脆內軟超正！味道酸甜得來果香濃郁口感煙韌軟糯

🍮 黑糖奶茶布甸
本身我係奶茶控所以呢個布甸我好期待😍 黑糖味道拿捏得好好甜而不膩奶茶味好香濃布甸口感軟滑順口