台灣館 (已結業)

天氣凍好適合食酸菜魚，朋友介紹了依間親民價台灣餐廳，主打酸菜魚、雞煲、烤魚、水煮系列，仲有供應多款小菜、小炒和古早味養生湯。一般都係川菜館才會吃到酸菜魚、烤魚，估唔到台灣菜餐廳都可以食到，餐廳有供應台式飲品，邊飲珍珠奶茶邊吃酸菜魚都係第一次！餐廳座位不少，但平日夜晚都要等位，見不少一家大細光顧，可說是街坊食堂。酸菜黑魚片酸菜魚可選桂花魚片或黑魚片，我地選擇了黑魚片。魚片份量好多，夠嫩滑，不會食到有骨，魚皮位亦都爽口。湯底酸味較重，不會太辣，並加入芫茜調味，就咁飲都好飲。配料有酸菜、芽菜、蓮藕、木耳，芽菜好入味，薄切蓮藕非常入味。辣子雞一上菜聞到麻香味，雞粒加入辣椒、腰果、芝麻、蒜末、蔥花和香料爆香，顏色相當均勻，味道香濃，又麻又酥脆，辣得相當過癮。珍珠奶茶味道都有不少選擇，我選擇了原味，不會太甜，珍珠夠大粒煙韌。百香果紅茶味道清甜，解膩一流。