金滿膳燒味餐室 (已結業)

牛頭角行過見到啲燒味好吸引，又夠鐘食飯，就二話不說入左去。入到去見到牆身設計好有風格，屬於新式嘅燒味餐廳。我同朋友叫左兩個飯一齊share。第一個係金滿膳燻香燒鵝髀飯，燒鵝髀皮脆啲肉仲唔會鞋，每啖都食到陣陣鵝香😳鵝油豐富但一啲都唔膩，食哂咁大隻髀超滿足。另一個就係燒味四寶飯，叉燒燒得岩岩好，有少少燶邊好香口，肉質軟熟。而雞都超滑唔鞋，鹹蛋送飯一流，紅腸油香四溢。飲品就叫左凍奶茶同樽裝可樂。無論係食物味道、餐廳環境同員工服務都好滿意。