祥榮茶冰廳

營業中

休息中

今日本來去蘭香食早餐，但係未到蘭香經過呢間貌似老古冰室，於是就黎試下。一坐低叫野，個阿姐以經雲遊，老婆指住牆上貼住個生滾牛肉麵餐，點知佢好似唔知有個咁既餐咁，可能又大近視(我近視都睇到)，要走埋牆睇先知我地叫乜餐，我自己就叫左個午餐咸魚雞絲炒飯送湯送野飲。落完單，個阿姐無拿湯又無拿刀叉黎就走左去做其他野。之後野飲黎同另一個阿姐講先比返刀叉同湯我。食食下，有個唔知係咪阿姐返黎，比水吧有個男人話左兩句乜野遲到咁，佢即刻爆晒粗好大聲咁鬧水吧個男人，仲不停好打力咁收碗碟，攪到拆天咁嘈。個男人叫佢咪嘈佢都無理，成個潑婦咁。我咁大個人去街食飯真係未見過咁既場面，其他食客都側晒頭。講返野食其實唔特別，普普通通，我地一路佢食地一路嘈，後來仲有個客帶埋隻狗入黎食都無人出聲，於是我地二話不說埋單走人，呢間餐廳以後都絕對唔會再去，費事貼錢買難受。