段純貞X日出茶太 (MOKO新世紀廣場)

營業中

休息中

旺角東依間「段純貞X日出茶太」主打食台灣菜，當然要試下佢哋嘅牛肉麵，幾鍾意佢哋有提供到兩款麵底選擇，兩款都各有特色，另外，佢哋嘅湯底亦好吸引，一上檯就已經聞到陣陣牛香撲鼻而來。*此餐廳收取加一服務費。三寶麵（單點$94），腱心肉質軟嫩，牛味濃厚；牛肚，肉質彈牙、不韌，食落充滿滷水味道；牛筋煮到好軟腍，一夾就斷，食落入口即化、充滿骨膠原；手工麵口感厚薄不均，口感煙韌；紅燒牛肉湯底採用牛大骨製作，飲落牛香味濃、帶有中藥味道，加上帶點微辣，令湯底飲落無咁容易覺得厭膩。燉番茄腱心半筋半肉麵（單點$92），腱心口感厚切大件；細麵口感幼滑，容易掛湯；番茄湯底味道酸甜；配菜包括有酸菜。雞湯抄手（單點$58），抄手晶瑩剔透、皮薄餡靚，蝦肉肉質爽口，味道鮮甜，豬肉食落好Juicy，雞湯味道清甜。三星蔥肉鍋餅（單點$48），表面煎得色澤金黃，口感酥脆、帶點煙韌，類似香酥薄餅，內有三星蔥，食落好香口，略嫌豬肉比較少，口感細碎，配以泰式甜辣醬食用，味道更佳。熱飲抹茶拿鐵（單點$35），半糖，茶味濃香、帶有回甘，奶味醇厚。熱飲芋頭特調（單點$34），半糖，芋頭牛奶口感濃稠，味道香甜，略嫌芋頭飲落好似係用榨汁機打